بۆماوەیی دەکرێت هەستیاریت بۆ هۆڕمۆنی DHT زیاد بکات.کە بە تاڵەکانی قژەوە دەبەسترێتەوە و لاوازیان دەکاتەوە و سوڕی گەشەی قژ دەوەستێنێت. ئەمەش دەبێتە هۆی تەنکتر و لاوازبوونی قژ بە گشتی و لە کۆتاییدا قژ هەڵوەرین و تەنکبوون.

ژیانێکی چالاک و هەوڵدانی بەردەوام لەوانەیە سترێس و قەلەقی بەردەوام دروست بکات، فشاری دەروونی دەبێتە هۆی دەردانی هۆرمۆنەکانی وەک کۆرتیزۆڵ کە دەتوانێت سوڕی گەشەی قژ تێکبدات و ببێتە هۆی هاندانی تاڵە قژەکان کە لە قۆناغی گەشەوە بچن بۆ قۆناغی پشوودان (قۆناغێکە کە تێیدا قژەکان لە گەشە دەوەستن)، ئەمەش دەبێتە هۆی زیادبوونی هەڵوەرینی قژ، گەر چارەسەر نەکرێت لەش ئاماژەی دەماری دەنێرێت کە سەلکە مووەکان بە تەواوەتی لە گەشە بووەستن کە کاریگەری لەسەر قژ دروست دەکات و و ئەمەش دەبێتە هۆی تەنکبوون و لاوازبوونی خێرای قژ.

لە ڕێی پرۆشەیەک کە پێیدەوترێت ئۆکسان بە ئۆکسجین (oxidative stress) شێوازی ژیان کاریگەرییەکی بەرچاوی لەسەر تەندروستی قژ دەبێت. خراپی خۆراک و کەمی وەرزشکردن و جگەرەکێشان و خواردنەوەی کحول دەبێتە هۆی لاوازبوونی قژ و دەبێتە هۆی هەڵوەرینی قژ.

میتابۆلیزم(بەرهەمهێمانی ووزە لە خواردن) کاریگەری لەسەر تەندروستی قژ هەیە بە دیاریکردنی ئەوەی کە جەستەت چەندە بە شێوەیەکی کارا خۆراک دەگۆڕێت بۆ وزە و ماددە خۆراکیەکان. میتابۆلیزمێکی سست دەتوانێت ببێتە هۆی کەمی ماددە خۆراکیەکان و ئەمەش کاریگەری لەسەر گەشە و بەهێزی قژ دەبێت. 

خۆراکی دروست بۆ قژێکی تەندروست پێویستە. ماددە خۆراکییە سەرەکییەکان پرۆتینەکان ڤیتامین و ترشە چەوریەکان پشتگیری گەشە و بەهێزی قژ دەکەن. ڕێجیمێک کە ئەم ماددە خۆراکیانەی کەم بێت دەبێتە هۆی تەنکبوونی قژ و هەڵوەرینی قژ. 

زیادبوونی تەمەن بە شێوەیەکی سروشتی کاریگەری لەسەر تەندروستی قژ هەیە و شتێکی سروشتییە و ڕێی لێ ناگیرێت. کەلە تەمەنی ٢٠ ساڵیەوە هەستی پێدەکەین کە گەشەی قژ خاو دەبێتەوە و تاڵەکانی قژ تەنکتر دەبنەوە تا لە تەمەنی ٥٠ ساڵیدا ٣٠٪ی کۆلاجینی قژ لەدەست دەدەین و هەروەها گۆڕانی هۆرمۆنەکان و کەمبوونەوەی ماددە خۆراکیەکان لەگەڵ زیادبوونی تەمەندا بەشدارن لە هەڵوەرینی قژ.